ہَتھ بنھ کے بینتی کرے سہتی
دل جان تھیں چیلڑی تیریاں میں
کراں باندیاں وانگ بجا خدمت
نت پاوندی رہاں گی پھیریاں میں
پیر سچ دا اساں تحقیق کیتا
سنیں ہیر تے ماپیاں تیریاں میں
کرامات تیری اُتے صدق کیتا
تیرے حکم دے کشف نے گھیریاں میں
ساڈی جان تے مال تے ہیر تیری
نالے سَنے سہیلیاں تیریاں میں
اساں کسے دی گل نہ کدی مَنی
تیرے اسم اعظم ٹیریاں میں
اِک فقر الہ دا رکھ تقوےٰ
ہور ڈھاہ بیٹھی سَبھ ڈھیریاں میں
پُوری نال حساب نہ ہو سکاں
وارثؔ شاہ کیہ کراں گی سیریاں میں
