سبھو مل وَل سُٹیں وانگ پھُلاں
جھوکاں تیریاں مانیاں بیلیاں نیں
کسے زوم بھرے پھڑ نپئیں توں
دھڑکے کالجا پوندیاں تیلیاں نیں
برھیاں بہوٹیاں دا کُھلا اج بارا
کونتاں رانویاں ڈھا مہیلیاں نیں
کسے لئی ہوشناک نے جت بازی
پاسا لائیکے بازیاں کھیلیاں نیں
صوبہ دار نے قلعے نُوں ڈھو توپاں
کرکے زیر رعیتاں میلیاں نیں
تیریاں گلھاں تے دنداں دے داغ دِسن
اج سودھیاں ٹھاکراں چیلیاں نیں
اج نہیں عیالیاں خبر لُدھی
بگھیاڑاں نیں رولیاں چھیلیاں نیں
اج کھیدیاں نیں نال مستیاں دے
ہاتھی داناں نے ہتھنیاں پیلیاں نیں
چُھٹا جھانجرا باغ دے صفے وچوں
گاہ کڈھیاں سب حویلیاں نیں
