راہ جاندی میں جھوٹے نے ڈھاہ لیتی
ساہن تُھل کتُھل کے ماریاں نی
ہبوں کبوں گوائی کے بھن چُوڑا
پاڑ سُٹیاں چُنیاں ساریاں نی
ڈاہڈا ماڑیاں نُوں ڈھاہ مار کر دا
زوراں وراں اگے ا نت ہاریاں نی
نس چلی ساں اوسنوں ویکھ کے میں
جویں ولہڑے توں جان کواریاں نی
سینہ پھہہ کے بھنیوس پاسیاں نُوں
دوہاں سِنگاں اُتے چا چاڑھیاں نی
رڑے ڈھائی کے کھائی پٹاک ماری
شینہ ڈھاہ لیندے جویں پاڑھیاں نی
میرے کرم سن آن ملنگ ملیا
جس جیوندی پنڈ وچ واڑیاں نی
وارثؔ شاہ میاں نویں گل سُنیے
ہیرے ہرن میں تتڑی داڑھیاں نی
