ہاتھی فوج دا وڈا سنگار ہوندا
اَتے گھوڑے سنگار ہین نراں دے نی
اچھا پہننا کھاونا شان شوکت
ایہہ سب بنا ہین زراں دے نی
گھوڑے کھان کھٹن کرامات کر دے
اکھیں ویکھدیاں جان بِن پراں دے نی
مجھیں گائیں سنگار دیاں ستَھ تلے
اَتے نُونہاں سنگار ہن گھراں دے نی
خیر خواہ دے نال بدخواہ ہونا
ایہہ کم ہن گنڈ یاں خراں دے نی
مشہور ہے رسم جہان اندر
پیار وہوٹیاں دے نال وراں دے نی
دل عورتاں لین پیار کر کے
ایہہ گبھرو مرگ ہن سراں دے نی
تدوں رَن بَدخُو نُوں عقل آوے
جدوں لت وجس وچ پھراں دے نی
سیدا ویکھ کے جائے بَلا وانگوں
وَیر دوہاں دے سراں تے دھڑاں دے نی
