سہتی آکھیا فرق نہ پوے ماسہ
ایہہ سپ نہ کیل تے آوندے نیں
کالے باغ وچ جو گڑ ا سدھ داتا
اوس دے قدم پایاں دُکھ جاوندے نیں
باشک ناگ کرونڈیئے میڈبھچھک
چھینے تِترے سبَھ نیوں آوندے نیں
کلغی دھر تے اُڈنا بھوند آبی
اسرال کھڑ ال ڈر کھاوندے نیں
تندورڑ ا بورڑ ا پھنی پھنیر
سبھ آن کے سیس نواوندے نیں
منی دار دوسرے تے کھرنیل بھی
منتر پڑ ھے تاں کیل تے آوندے نیں
گنگوڑ یا دھامیا لُس لساوی
رتواڑ یا کجلیا جھاوندے نیں
کھجوریا تیلیا نپٹ جنگھا
ہتواریا کوجھیا گاوندے نیں
بلشتیا چیپا سنگ تاپو
چلملاوڑا دواوڑا دھاوندے نیں
کوئی دُکھ تے درد نہ رہے بھورا
جادو جن تے بھوت سبھ جاوندے نیں
راو راجے تے وید تے دیو پریاں
سبھ اوس توں ہتھ وکھاوندے نیں
ہور وید سبھ ویدگی لا تھکے
وارثؔ شاہ جو گی ہُن آوندے نیں
