اَجو آکھیا سیدیا جاہ بھائی
ایہہ وہٹیاں بہت پیاریاں جی
جا بنھ کے ہتھ سلام کرنا
تُساں تاریاں خلقتاں ساریاں جی
اگے نذر رکھیں سبھو حال دسیں
اگے جو گیڑ ے دے کریں زاریاں جی
سانوں بنی ہے ہیر نُوں سپ لڑ یا
کھول کہیں حقیقتاں ساریاں جی
آکھیں واسطے رب دے چلو جو گی
سانوں بنیاں مُصیبتاں بھاریاں جی
جو گی مار منتر سپ کرے حاضر
جا لیا ولائی کے واریاں جی
وارثؔ شاہ اوتھے ناہیں پھُرے منتر
جتھے عشق نے دندیاں ماریاں جی
