ہیر وارث شاہ

چُپ ہو جو گی سہج نال بولے

چُپ ہو جو گی سہج نال بولے
جَٹا کاس نُوں پکڑ یو کاہیاں نُوں

اسیں چھڈ جہان فقیر ہوئے
چھڈ دولتاں مال بادشاہیاں نُوں

یاد رب دی چھڈ کے کراں جھیڑ ے
ڈھونڈھاں اوڈ دیاں چھڈ کے پھاہیاں نُوں

تیرے نال نہ چلیاں نفع کوئی
میرا عمل نہ پھرے و واہیاں نُوں

رناں پاس فقیر نُوں عیب جانا
جیہا نسنا رنوں سپاہیاں نُوں

وارث ؔکڈھ قرآن تے بہیں منبر
کیہا اڈیو مکر دیاں پھاہیاں نُوں