جویں اند تے قہر دی نظر کر کے
مہگھا سروں پری لٹوایا ای
سرگاپُری، امرپُری اندپُڑ یاں
دیوپُری مکھوآسن لایا ای
قہر کریں جیوں بھدر کاکوہ ماریائی
چنڈ منڈمہگھا اُتے دھایا ای
رکت بیج مہگھا سروں لا
سبھے پرچنڈ کر پلک وچ آیا ای
اوہا کروپ کر جیہڑ ا پیا جو گی
بشوا متروں کھیل کروایا ای
اوہا کرودھ کر جیہڑ ا پاء راون
رام چند تھوں لنک لٹوایا ای
اوہا کروپ کر جیہڑ ا پانڈواں تھوں
چکھا بوہ دے وچ کروایا ای
دھرونا چار جولائیکے بھیم بھیکھم
جیہڑ ا کیرواں دے گل پایا ای
قہر پاء جو گھت ہرناکشے تے
نال نکھاں دے ڈھڈ پڑ وایا ای
گھت کروپ جو پائیکے کنس راجے
بودی کاہن تھوں چا پٹایا ای
گھت کروپ جو پائے کلکیتھرے نُوں
کئی کھوہنی سین گلوایا ای
گھت کروپ جو دروپدی نال ہوئے
پت نال پرانت بچایا ای
گھت کروپ جو رام دی ہیٹھ گھت
موں سروپ نکھابن نک کروایا ای
جدھ وچ جو رام نل نیل لچھمن
کُنبھ کرن دے باب بنایا ای
گھت کروپ جو رام نیں کرودھ کر کے
بلی سندھ دی کھیڈ مکایا ای
گھت کروپ جو بالی تے رام کیتا
اتے تارکا پکڑ چروایا ای
گھت کرودھ سبا ہومریچ ماریو
مہاندیو دا کنڈھ بھنایا ای
اوہ کروپ کر جیہڑ ا اتنیاں تے
جُگا جُگ ہی دُھم کرایا ای
اُسدا آکھیا رب منظور کیتا
تُرت شہر نُوں اگ لگائیا ای
جدوں اگ نیں شہر نُوں چوڑ کیتا
دُھم راجے دے پاس پھر آ ای
وارثؔ شاہ میاں وانگ شہر لنکا
چاروں طرف ہی اگ مچائیا ای
وارث شاہ دی ہور شاعری
- ⟩ لگی اگ چوطرف جاں شہر سارے 613
- ⟩ ہیر کھوہ کے رانجھے دے ہتھ دِتی 614
- ⟩ لیکے چلیا اپنے دیس تائیں 615
- ⟩ رناں دیس پہاڑ دی ٹھیکری دیاں 616
- ⟩ تھارو سسرو کون کیہ مات پترو 617
- ⟩ را ہے راہ جاں سیالاں دی جُوہ آئی 618
- ⟩ ماہیاں آکھیا جاء کے وچ سیالاں 619
- ⟩ بھائیاں جائی کے ہیر نُوں گھریں آندا 620
- ⟩ رانجھے جائی کے گھرے آرام کیتا 621
- ⟩ سیالاں بیٹھ کے سَتھ وچار کیتی 622
- ⟩ وارث شاہ دی ساری شاعری