ادھ اسمانیں بدل چڑھیا، وسیاں دُدھ دیاں دھاراں

ادھ اسمانیں بدل چڑھیا، وسیاں دُدھ دیاں دھاراں
شکر اوہ ربا، شکر کراں میں تیرا سو سو واراں

جندرے ٹُٹے، بُوہے کھلے، گھر گھر ہوئے وسیبے
ویہڑیاں اندر ہاسے جاگے، کھلیاں پئیاں بزاراں

رس لگراں وچ، رت بانہاں وچ، ڈاہڈے بھنگڑے پائے
رت جھلی نے وگدیاں واراں کھچ لتیاں تلواراں

پتے ہونجھ ہواواں لِتے، دھرتی مارے تڑکاں
ستے خیراں، ستے خیراں۔ شور پیا اخباراں

توں وی مورکھ، کھچ پنڈے توں کنج وقتاں دی لاہ
میں وی جلا لاہ کے ویکھاں سونے ورگیاں ناراں

حوالہ: چھج تاریاں دی؛ صفحہ 47 ( ویکھو )