ادھی راتیں کِھڑ کِھڑ ہسے ٹھنڈی ٹھار ہوا
فجریں بُکل مار کے رووے زار و زار ہوا
کُنڈی کُھلے بوہے دی تے بُلھاں جندرے پین
جِتی ہوئی بازی اپنی جاوے ہار ہوا
پحل اپنے پھن کھول کے آکھن : آ جا ساڈے کول
ڈنگاں کھاہدی اُڈدی جاوے مار و مار ہوا
گوریاں بانہاں تیر نہ سکّن چھلّاں مارے کانگ
کچے گھڑے دے وانگوں ڈولے بے پتوار ہوا
چیتر پھگن یاریاں گنڈھن آ گئے ساڈے یار
جیٹھیں پگھ جد سوّن دا لگا ہو گئے یار ہوا
حوالہ: چھج تاریاں دی؛ صفحہ 15 ( ویکھو )