تاریاں دا چھج
چھٹ دیاں، چھٹ دیاں
شاہ ویلا جد ہویا
چھج وچ اکو تارا بچیا
سوہنے جُھمر وانگوں جیہڑا
تیرے سِر متھے تے سجیا
پر ایہہ گل تینوں کون دسّے
بھئی چھج نے جیہڑے ماڑے تارے
روڑے جان کے سُٹ دِتے سن
اوہ کس پاسے جا لگے سن
میں دسناں ہاں
اوہ تارے
کجھ ریتاں اُتے ڈلھ گئے سن
کجھ کنڈیاں دے وچ پھس گئے سن
کجھ پیراں ہیٹھاں پھس گئے سن
پر اک تارا۔۔۔اک روندو تارا
میری اکھ سپی وچ جیہڑا آ ڈگیا سی
اوہ تارا
اج موتی وانگوں
لش لش، لش لش لشک رہیا اے !
حوالہ: چھج تاریاں دی؛ صفحہ 27 ( ویکھو )
