ہسدیاں ہجر ہنڈایا

ہسدیاں ہجر ہنڈایا وو اساں ہسدیاں ہجر ہنڈایا
نہ اس عشق دا اگا پچھا نہ آسا پاسا
بے اِتبارا بھورا، گھڑی چ تولہ گھڑی چ ماسہ
کسے تے ویلا کیہہ اونا ایں ایڈا بے بھرواسا
واء کسے پاسے دی نئیں سی ایویں بوہل وسایا
اسیں ہسدیاں ہجر ہنڈایا
بھاویں مِلدے گِلدے رہے پر گل کوئی نہ ہوئی
گل جے کر وی لیندےاُس دامطلب نئیں سی کوئی
تیڑدی چادر بنھدےرہے تےسرتوں لیہہ گئی لوئی
بہہ کے روون لگیاں نوں سانوں ہور وی ہاسا آیا
اسیں ہسدیاں ہجر ہنڈایا