چھتی بمبی ٹاہلی ہیٹھاں وگدی ویہندی رات

چھتی بمبی ٹاہلی ہیٹھاں وگدی ویہندی رات
میں ساں میرے آل دوالے چڑھدی لیہندی رات

اجے بہت ہی دور دُریڈا دل دا نور ظہور
اپڑی سرگی ویلے تائیں ڈگدی ڈیہندی رات

بنھی ہوئی اے بھاویں کِسے نے چانن دی خشبو
پینڈا کدی مُکا جاوے گی اُٹھدی بیہندی رات

سبھناں شامیں اپڑیاں سن اپنے اپنے گھر
اج نہ اُگھڑی کسے دیاں اکھاں وچ پیندی رات

میں بیٹھا ساں کِسے دیاں سوچاں دے اندر ڈُبیا
لنگھ گئی میرے کولوں دی چھیہندی چھیہندی رات

پُوری بھر جاوے تے میری قسمت ورگی کالی
شاماں ویلے اوس دیاں ہتھاں دی مہندی رات

میں اگے ای اوزار ہاں ات ہنیرے کولوں
میرے نال ایہہ ہور وی زور و زوری کھیہندی رات

بدل وانگوں چھا ای جاندی نہیں جے ہر شے اُتے
کن کھول کے رکھو مُونہوں وی کجھ کہندی رات

اگڑ پچھڑ لنگھن کدی ہنیری ورگیاں رُتاں
کدی ظفر دیاں اکھاں وچ کھلوتی رہندی رات