دوہرا تیہرا جال اوئے

ظفر اقبال

دوہرا تیہرا جال اوئے
تیہری چوہری چال اوئے

اندرے اندار پھر گیا
خورے کیہا بُھنچال اوئے

کیہڑے پاسوں وڑ گیا
ساوے اندر لال اوئے

چھڈو کوئی پُھلجڑی
کڈھو کوئی گاہل اوئے

چُکے کیہڑا ٹاکرا
جھلے کیہڑا جھال اوئے

اوہ تے میرے نال سی
میں ساں ہوراں نال اوئے

چِٹے ننگے عشق نوں
کِویں لُکائیے، حال اوئے

سانبھیا اوڑک دُشمناں
سجناں کیہی سمہال اوئے

ظفرا، ایس ہنیر وِچ
تُوں ای دِیوا بال اوئے

دوجی لِپی وچ پڑھو

Roman    ਗੁਰਮੁਖੀ   

ظفر اقبال دی ہور شاعری