ایناں وی نہ ڈر تایا

ظفر اقبال

ایناں وی نہ ڈر تایا
سِدھا ہو کے مر تایا

تائی کِڈی چنگی اے
جاندا کیوں نئیں گھر تایا

اینی کھیہہ نہ کھایا کر
جائیں گا آچر تایا

چھال مار کے گوتے کھا
لتھے تیرا شر تایا

کوئی داء ای سانوں دس
کجھ نیکی تے کر تایا

ایس شہر دی ایہو ریت
میں کیتی توں بھر تایا

اُلی لگ گئی پئیاں پئیاں
کِسے نہ پاسا پرتایا

دل نے کیتا تُرت اثر
شیشے نیں پتھر تایا

بندیاں وچ نہ بوہ ظفر
کلیاں ہو کے جر تایا

دوجی لِپی وچ پڑھو

Roman    ਗੁਰਮੁਖੀ   

ظفر اقبال دی ہور شاعری