ایوں سوچو!
جے شہر دوالے جنگل ہوندا
کلی کوٹھی، تھاں چھپڑ ہوندا
سُکا دریا وہندا ہوندا
ہوندے تُوت، امرود تے جموں
سُخا نہ ساڈا ویڑھا ہوندا
ایوں سوچو
جے شہر دوالے جنگل ہوندا
محلیں بھو جنگل دا ہوندا
چھپڑ دی تھاں وستی ہوندی
وہندے دریا دی مستی ہوندی
رُکھاں بھریا بیلا ہوندا
ادھی رات میلہ ہوندا
ایوں سوچو!
جے ایہہ شہر سمندر ہوندا
مُڑ نہ محل جزیرہ ہوندا
سوچو جیہڑی کدے نہ سوچی
ایہہ نہ ہوندا تاں کیہ ہوندا
حوالہ: کوئی دم یاد نہ کیتا؛ ترنجن؛ صفحہ 64 ( ویکھو )
