کدے کِسے نوں آکھدی
تُوں میری اَکھ دا رنگ
تُوں میرے ساہ دی واشنا
تُوں میری گل دا مان
تُوں میری جان دی جان
تُوں کدی تے ہس کے جھلّیا!
مینتھوں وی کوئی شے منگ
تے کدے کِسے نوں آکھدی!
سُورج جُھوٹھ تے دُھپ وی جُھوٹی
جُھوٹھی چھاں دی ٹھنڈ
جُھوٹھا مرزا جُھوٹھی صاحباں
جُھوٹھا ٹھنڈا جَنڈ
ناں میں تیرے غم چُکنی آں
ناں تُوں میرے دُکھ ونڈ
حوالہ: شیشہ اک لشکارے دو، اپنا ادارہ چکوال لائل پور؛ صفحہ 22 ( ویکھو )
