دُوجا پاسا

کاہدی اے دُھتکار نی مائے
کیوں نہ اُتراں پار نی مائے

جو چاہواں مل جائے نی مائے
دھرتی وی ہل جائے نی مائے

لاوے تے کوئی ہتھ نی مائے
پاوے تے کوئی نتھ نی مائے

سبھ نوں لا دیاں اگ نی مائے
ہیرے جیہا میں نگ نی مائے

ہمت دی نہیں تھوڑ نی مائے
مینوں نہیں کوئی لوڑ نی مائے

جے میرے سامنے آئے نی مائے
فیر نہ بچ کے جائے نی مائے

میری وکھری راہ نی مائے
دْکھ دتے میں ڈھا نی مائے

لڑنا میرا کار نی مائے
میں کیوں مناں ہار نی مائے