ہتھوں چُھٹیاں
وَنگاں ٹُٹیاں
نالی سُٹیاں
ریجھاں مُکیاں
جھانگاں سُکیاں
بیجیا کھٹیا
کُوڑ ای وٹیا
مُڈھوں پُٹیا
تُھک کے چٹیا
فیر کیہ ہویا!

دُکھ نیں لکھاں
بھِجیاں اکھاں
اتھرو جل تھل
مرنا ہر پل
ہتھیں دِتیاں
دندیں چِتھیاں
ہون نہ ڈِھلیاں
نیہاں ہلیاں
اُڈن کِھلیاں
فیر کیہ ہویا!

لہو دا رنگیا
ہجر دا ڈنگیا
ویلا بھاری
کُھنج گئی واری
کوئی نہ ڈھاری
تَتا لیکھا
بھُل بھُلیکھا
رولا کھچ اے
جھوٹھ ای سچ اے
فیر کیہ ہویا!

حوالہ: کھچ، سُلیکھ لاہور؛ صفحہ 81 ( ویکھو )