مولا ماتم اے

دِل کردا اے
تیرے نال رہواں
تیرے کول بہواں
تیرے دُکھ سہواں
دِل کرن دیاں؟

میں چاہنی آں
تیرا پیار مِلے
نہ ہون گِلے
پھٹ رہن سِلے
میں چاہندی رہواں؟

میں سوچنی آں
جدوں نِکلے جان
میں ایہو کہواں
میں تیری ساں
میں پئی سوچاں

کاڈھ کڈھی بڑی
راتیں سوندی نہیں
پَیرِیں پاندی نہیں
موت آؤندی نہیں
حالیں کڈھدی رہواں؟

میں کَھڑی آں
کاسے پَیندا نہیں
ایدھر ویہندا نہیں
خیر دیندا نہیں
میں کھڑی رہواں؟

تُوں سُن لویں تے
دینہہ راتیں چڑھے
میرے بُوہیوں وڑھے
میرے نال لڑے
توں سُندا نہیں

مولا ماتم اے
تانگھ یار دی
بھُکھ یار دی
نگاہ جاندی وار دی
میں کرنی آں

حوالہ: میں لبھن چلی؛ سچیت کتاب گھر لاہور؛ صفحہ 37 ( ویکھو )