ساراپنڈا جانا چٹ

سارا پنڈا جانا چٹتیڈے نونہہ تے تیرے پھٹ ویکھو کہڑا بازی لینداتیری اگ یا میرا وٹ پہلے رل کے بی تے پائیےپھٹ جاوے دیواں گے پٹ سانجھے ہجراں کھجل کیتامینوں ورہیاں تینوں جَھٹ مینوں اج وی بھلدی نئیں اےکالی رات وچ نیویں وٹ مارن والے نوں کیہ لگےکھتے جاکے وجے سٹ اج دی کھیڈ وی […]

سارا پنڈا جانا چٹ
تیڈے نونہہ تے تیرے پھٹ

ویکھو کہڑا بازی لیندا
تیری اگ یا میرا وٹ

پہلے رل کے بی تے پائیے
پھٹ جاوے دیواں گے پٹ

سانجھے ہجراں کھجل کیتا
مینوں ورہیاں تینوں جَھٹ

مینوں اج وی بھلدی نئیں اے
کالی رات وچ نیویں وٹ

مارن والے نوں کیہ لگے
کھتے جاکے وجے سٹ

اج دی کھیڈ وی تیری ہوئی
ہا ہا بیلی سجی سٹ