توں چرخے تے تنیاں کندھاں

توں چرخے تے تنیاں کندھاںتاں اسمانی چڑھیاں کندھاں میں زخمائے پوٹے سارےبھورابھورا جھڑیاں کندھاں پر چھاویں دی جھات بتیریجے شاماں تک کھڑیاں کندھاں مینوں ہور سُناناں پینڈےمینوں اگے بڑیاں کندھاں میں کندھاں نوں جپھے مارےلکڑوانگوں سڑیاں کندھاں کی پینڈے دا کوڑ مکالامینوں بیبا لڑیاں کندھاں میں چھتاں داں بھار’سنایاجا کھڈاں وچ وڑیاں کندھاں مینوں منزل […]

توں چرخے تے تنیاں کندھاں
تاں اسمانی چڑھیاں کندھاں

میں زخمائے پوٹے سارے
بھورابھورا جھڑیاں کندھاں

پر چھاویں دی جھات بتیری
جے شاماں تک کھڑیاں کندھاں

مینوں ہور سُناناں پینڈے
مینوں اگے بڑیاں کندھاں

میں کندھاں نوں جپھے مارے
لکڑوانگوں سڑیاں کندھاں

کی پینڈے دا کوڑ مکالا
مینوں بیبا لڑیاں کندھاں

میں چھتاں داں بھار’سنایا
جا کھڈاں وچ وڑیاں کندھاں

مینوں منزل آپ بلاوے
کہڑی گل تے اڑیاں کندھاں

ساڈے ویر کدیں نیءں مُکنے
جے توں فرضی گھڑیاں کندھاں