اساں جمّے تاں راوی سُکّی
سُکی چٹیائی پتیاں تے
اُتوں جھڑی ساون دی مُکی
اساں جمّے تاں راوی سُکّی
اسماناں تے بھانبھڑ مچدا
ہتھ ساڈے وچ مسمِی حُقی
اساں جمّے تاں راوی سُکّی
بگّے کاگ پلُوتے دیندے
بال سویرے پاڑن رُکھی
اساں جمّے تاں راوی سُکّی
لال سمندراں دے سِر اُتے
بُھوریاں بھنجراں لائی بُتّی
اساں جمّے تاں راوی سُکّی
کیہڑیاں سُکھ طبیلڑیاں وچ
ماہی وے تیری نیلی لُکّی
اساں جمّے تاں راوی سُکّی
حوالہ: ہیٹھ وگے دریا، مشتاق صوفی؛ سانجھ لاہور 2008؛ صفحہ 18 ( ویکھو )
