میں گھاہ ہاں
میں تُہاڈے ہر کیتے کرائے تے اُگ آواں گا
بمب سُٹ دیو بھاویں وِشو وِدیالے تے
بنا دیو ہر ہوسٹل ملبے دے ڈھیر
سُہاگہ پھیر دیو بے شک ساڈیاں جُھگیاں تے
مینوں کیہ کرو گے؟
میں تاں گھاہ ہاں، ہر چیز ڈھک لواں گا
ہر ڈھیر تے اُگ آواں گا
بنگے نوں ڈھیری کر دیو
سنگرور نوں مِٹا دیو
دھوڑ چ مُکا دیو لُدھیانے دا ضلع
میری ہریالی آپنا کم کرے گی
دو سال، دس سال بعد
سواریاں پھیر کِسے ٹِکٹ کٹ توں پُچھن گیاں
ایہہ کیہڑی تھاں ہے؟
مینوں برنالے اُتار دینا
جِتھے ہرے گھاہ دا جنگل ہے
میں گھاہ ہاں، میں آپنا کم کراں گا
میں تُہاڈے ہر کیتے کرائے تے اُگ آواں گا
حوالہ: انکار ( ویکھو )
