میں کہیا! ایہہ کوئی گل تے نہیں نا

میں کہیا! ایہہ کوئی گل تے نہیں نا
چپ مسئلے دا حل تے نہیں نا

میرے دل وچوں نکل وی سکنایں
دل کوئی دلدل تے نہیں نا

ٹھیک اے! میری چھاں وِرلی اے
سر تے امبر ول تے نہیں نا

میں کہناں لہو اِکو جہے نیں
اوہ کہندا اے کھل تے نہیں نا

عشق توں میں انجان ای سہی پر
تینوں وی کوئی ول تے نہیں نا

منیا بندے اِکو جہے نہیں
تیرے گل وچ ٹل تے نہیں نا

میں دنیا توں باغی صابر
توں دنیا دے ول تے نہیں نا؟