Sheher de gande pani naal darya da wazu tut gaya Hun meri tareh namaz kiven parrhe gi Darya te tayammum vi nahi karsakde Main kal ik sufna vekheya he Je mere musalle thalle sap hi sap ne Molvi huran nu main eh sufna das ke tabeer puchi Te ohnan diyan akhiyan gol te tez chamakdar Jibh kikkar de kande wargi nokeeli Te bulh neele thothe warge hogaye Munh vichon zehreeli jehi jhag wagan lag pai Kehn lagge chalhi deharre Khalis dudh vich kheer paka ke masjid vich bhejde raho Sab theek hove ga Menu miyan muhammad horan da kheer te kutte ala bait yaad agaya Par mera masla te kheer te sap si Kheer te kutta nahi Main bavla jeha hoke miyan sahab nu haak lai Te ohnan ne aake eh gal samjhai Je kheer is honi di equation da constant part he Te sap te kutta apniyan jonan Apna wartara te apniyan shaklan badalde rehnde ne Jhalleya sappan te musalla nahi dhahida Te kutta khulla chad ke tahajud nahi parhi di
