Aj ki pakaiye

Chauhdari: Aj ki pakaiye das tera ki khayal ae

Rehmaa: Main ki khayal dassan meri ki mijaal ae

Chauhdari: Rehmeya chal aj fer chaske ee laa laiyye
Labh jaan changiyan te bhinddiyan paka laiyye

Rehmaa: waah wa tussan bhujiyaan ne dilaan diyan choriyaan
Mera vi eh dil si pakaiyye aj toriyaan
Loonvan wali bhindi hove potta potta lammi hove
Holi te kachoor hove sohni hove kooli hove
Vich hovann bakre de puth diyan bottiyan
Naal hovann chanddiyan tandor diyan rottiyan
Makhne da pairra hove lassi da piyala hove
Bhindiyan de nakhre te garam masala hove
Bhindyan banana vi te koi koi jaanda
Rinnhanan pakan vi te koi koi janda
Uthaan fer chauhdari pharran main tayariyan
Bhindiyan banavan aj raj ke karariyan

Chauhdari: Rehmeya hazar hovan mazedar bhindiyan
Hondiyan ne kuch zara lesdar bhindiyan

Rehmaa: Dafa kro chauhdari gee sabziyan di thorr ae
Sanu ae lassoorriyan pakan di ki lorr ae
Banda kahnu bhidiyan di les di havarr laiyye
Ehde naalon pauli di saresh bhanven chahrr laiyye

Chauhdari: Fer ki khayal ae tera jharri na mana laiyye
Je tu aakhen rehmeya karaile na paka laiyye

Rehmaa: Rees ae koi chauhdari gee aap de khayal di
Jammi ae koi sabzi karailyaan de naal di
Dhidh vich inj jiven lau lag gai ae
Tussan gal kiti ae te raal wag pai ae
Such pucho chauhdari gee eho meri raa ae
Menu vi charoknaa karailya da chaa ae
Chauhdari gee hove je karaila changa palya
Vich hove qeema utte dhaga hove walya
Gandhyaan tamatraan de naal hove tunnya
Fer hove ghar de gheyo vich bhunya
Fer koi chauhdari gee us da sawad ae
Parr vi pakaya si tussan nu yaad ae

Chauhdari: Hor beeba ehdi menu har gal bhaundi
Rehmyaan karailyan vich kaurr zara hundi ae

Rehmaa: Dafa kro zeher te charaita menu lagda ae
Nimm te dharaik da bhara menu lagda ae
Pale pale dandaan thalle jeebh pai sukdi
Khaa mar laiyye te treh nahi mukdi
Tumme diyan goliyan karailyaan ton phikkiyan
Ehnaan nalon chaarh lo konain diyan tikkiyan

Chauhdari: Rehmya fer enj kar tu koi raa de
Puchen te bataunvan da vi apna sawad ae

Rehmaa: Rabb tuhadda bhala kare kiddi sohni gal ae
Eho jehe zaiqe wala hor kehrra phal ae
Kaale kaale lishakde te gol mol chahrr lo
Chauhdari gee laun te vataun chaul chahrr lo

Chauhdari: Rehmya pakane nu te gee barra karda ae
Bhutthyan di garmi ton ji zra darda ae

Rehmaa: Sach ae chauhdari gee dhidh kahnu baalna
Khaan wali cheez ae koi vengnaan da saalna
Bhatthyan de dak vich suttne zroor ne
Kahnu bhkhaiye, saadde tidd koi tandoor ne
Dafa kro bhatthyan nu bhatthe kahnu saarriye
Habshiyan nu chaudari gee ghar kahnu warriye
Kalyaan de naal kahnu maariye udariyan
Saadiyan te hen amrika naal yaariyan

Chauhdari: Wadh wadh bolna en awaen barrbolya
Sabziyan ton jaa tu siyastaan nu phollya
Dooje di vi sun kujh dooje nu vi kehn de
Hakoomtan di gal tu hakoomtan te rehn de
Changa fer bujh mera ki khayal ae?

Rehmaa: Bujh leya chauhdari gee cholyaan di daal ae

Reference: Mela akhiyan da; Page 30 ( view source )