Aj koi nazam na likhi gai
Na dil nooN kujh hoya
Aj maiN thori der lai hassya
Thori der lai roya
Aj ik kol khalote dil di
DooroN waaj ay aayi
Aj ik door khalote dil di
Waaj rahi bhabrai
Aj ik chandan mushak badan ne
Bhed pharole mere
Aj anbraaN tak dil ne la laye
ThaaN thaaN utte dere
Aj ik pair da rass nachor ke
Khand wich ghol ke peeta
Aj tooN pehlaaN ais taraH maiN
Kadi naiN si keeta
Aj ik yaad de pichle dukh nooN
Chanan de naal dhota
Aj maiN kai warhiyaaN de baadoN
Apne naal khalota
Aj fair udda anbraaN de wich
Soch da panchi choya
Aj maiN mot de hath wich beh ke
Mot koloN na moya
Aj koi nazam na likhi gai
Na dil nooN kujh hoya
Aj maiN thori der lai hassya
Thori der lai roya
Reference: Main Chettar nahi Chakhia; Sanjh; Page 75