Mere sufne vi mere apne nahi
Kise kolon udhar laye hoye ne
Meriyan sochan vi meriyan nahi
Ohnan te kise hor da
naan likhya hoya ae
Mera aqeeda vi mera nahi
Nikke hondeyan menu jo kujh dassya gaya
Main mann leya, meri taleem vi oh nahi
Jehrri insan di haisiyat naal
Mera haq banda si
Hakumatan te mazhaban waleyan
Apne matlb de nisaab likhwaye
Jehrre imtehan pass karan lai
Menu majbooran parrhne paye
Qanoon vi mera nahi
Kyon je main ohnu khareed nahi sakda
Assembliyan vi meriyan nahi
Kyon je othe jaan lai
Jis tabqe da hona zaroori ae
Main os tabqe da nahi
Meri pasand te zroorat da rizq vi
Menu naseeb nahi, kyon je ohde te
Sappan da pehra ae, hor te hor
Mere saah vi mere nahi
Eh vi udhaar da maal ae
Jihne menu saah ditte ne
Oh jadon chahve khoh sakda ae
Mere kol mera ki ae
Aje tikar main jaan nahi sakya
