Asaan rakkar mera milya

Asaan rakkar mera milya
Asaan zameen vanddi vaitri
Te bakhtaan naal vigaarr ke
Asaan raahi kanak ageetri
Kujh rataan saariyaa kokarra
Kujh mausamaan akkh vattaai
Asaan sakke saak visaaar ke
Hikk vakhri dhok vasaai
Asaan haarr te bhadra orrhiya
Asaan bhallay chetar maagh
Te aap kabootri uddar ke
Asaan paalay kaalay kaagh
Asaan khushiyaan thokraan maariyaan
Asaan saanbh ke rakhay dukh
Asi chattarray badal wasaakh ne
Asi kall muklay rakh
Teray sir ton waar ke sohnia
Asaan haasay dittay saar
Te jogiyaan vaangan sohnia
Asaan gaahay gaarr pahaarr
Asi athroo akkh ne haania
Asi chup chapeetay raah
Asaan sappaan samjhiya sotrri
Gall pyaar ne paayi phaah
Asaan chup na roza rakhya
Asi seerrh ke beh gaye ball
Jeeven paani vich pataasra
Jeeven jangal kharriya phall
Asi wargay yaar pichhaal ne
Asi seewi laggi mahaath
Takk Anjum yaar namaniaa
Asaan yaar banaaye raath