Menu agg di lorr ae
Jehrri mere andar bujhe
Te faltu cheezan saar chadde
Kadi kadi agg inqari vi ho jandi ae
Te ba'az velay azanan vi nai ditiyan jandiyan
Hanere vich akhan gawach jandiyan ne
Phul digg ke apni chhaan ganwaa dende ne
Te insan de ba'az kafan murde naalon vi
thandde hojande ne
Adhe kamre vich adhi rooh nahi dakki di
Sooraj pastiyan vich vi rehnda ae
Chup insan nu maar dendi ae
Te insan chup kolon nai luk Sakda
Hanere vich ugge hoye phul chhaan nai labdhe
Agg de jigger vich koi cheez luki nai reh sakdi
Agg bujh jandi te waaj kama lendi
Te ais daur di zuban kaghaz ton vi nikki ae
Hanere vich akhan satt ke cheezan labhiyan jandiyan ne
Murli di waaj insan naalon bohti dukhi hondi ae
Te Samundar kadi mitti nai churanda
Te mitti Samundar nai churandi
Maujan pairan kolon khaure ki mang ke Samundar wal tur jandiyan ne
Ajj raat toon mere azaab nibhavain ga
Par main tenu nibhavaan gi
Main kadi darya vango faryad nai kardi
Deeve di ziada lau, ziada lorr ajj hundi ae
Main kise da ajar nai
Na waqt di taqseem vich shamil aan
Agg oni ku churayi di ae
Jinni ku bande kol raat hove
Insan te ikko e vaar marde
Fer eh farishte roohan kithe lae jande ne
Te hanereyan nu agg di ddahddi lorr kivain pendi ae
Khooh di aas te latki hoyi rassi
Insan di treh nalon ddahddi hundi a
Jadon rog mere ghar Jamea si
Odon main deeve agg nai si baali
Agg diyan kanian kithe jaa ke vass jandiyan ne
Hanere di pichan vich agg saun jandi ae
Akhan noon sachayaan di agg lagi hundi ae
Sooraj apni dhup vich saah lenda ae
Te maawan khore kehrri chhaan vich insanaan nu
Sutt jandiyan ne
Pairan da dukh pairan naal e rehnda ae
Dill di nok talwar nahi sihaar sakdi
Dinaan naal pawandi nahi bani jandi
