Main sunendaan dill ton nikli hoyi ghazal kujh ghaur kar

Main sunendaan dill ton nikli hoyi ghazal kujh ghaur kar
Mehrbani ay khuda e lam yazal kujh ghaur kar

Kahein de kutte kheer peewan kahein de bache bukh marin
Rizq di taqseem te hik waar wal kujh ghaur kar

Jahilan wich nafratan da bij khandaya jo shaitan
Aliman wich pakdi payi oh fasal kujh ghaur kar

Chappe chappe te karbala hai konne konne te yazid
Kitne khaime jagg te wainden roz jal kujh ghaur kar

Meda maqsad eh taan ni sunda nuhi mazloom di
Toon sami ein toon basir ein darasal kujh ghaur kar

Ghair muslim hai agar mazloom toon taan choott de
Eh jahanumi faisla na kar attal kujh ghaur kar

Kon hin jo fi sabeel Allah da naara mar ke
Intaqaman pae karende hin qatal kujh ghaur kar

Koun momin koun kafir koun shakir reh gya
Hiko jehan sariyan da amal kujh ghaur kar