Holi holi umar guzardi jandi ae
Band mutthi ton rait khilardi jandi ae
Ik ik saah hayati da ae sarmaya
Qatra qatra gaagar bhardi jandi ae
Tere bajh saver di akh ich athru ne
Shaam vi lamme hauke bhardi jandi ae
anneyan tez ae khanjar dard vichorre da
Loon loon vich nok utardi jandi ae
Jind nimani rog avalle laa bethi
Chaan ich sarrdi dhup ich thardi jandi ae
Heer nu was na pao dahde kherreyan de
Tarle paundi mintaan kardi jandi ae
Jadon di dil de utte gham di tarail pai
Ehdi soorat hor nikhardi jandi ae
Pardesaan ch reh ke apne desaan di
Hun taan ik ik shakla vissardi jandi ae
kise nu pakke patnaan ton vi khof aave
Koi kache gharre te tardi jandi ae
Ki khaiye is dunya be-aitbari nu
Karke ik ik gal mukardi jandi ae
Seher ji enne magan o kehrriyan sochaan vich
Piyali andar chaa vi thardi jandi ae
