Es kulehni hayati de pinde ichon
Wagda rasay
Mere lahu di phaat tarka gya ae
Chan di mohni chanri noon pujdia.n akheen noon
inha.n shahra.n de la parwah ghataya.n di
Chhaata.n tirrka chaddeya ae
Mera sir inj udd-da piaye jiwein
Tate tawe te sarda hoya gheo trata.n marda.ae
Har lahza
Mere jood ichon lamb ban ke uthda.ae
Te meri jebh panah mangdya mangdya
Mere sarr moye lavza.n da
Kafun banan de aahar ich lag jandi ae
Meri kokendi chup kadi na maran aalyan peeran da
Phah ban jandi ae
Te meri rooh nu dharh payi rahndi ae
Mera zehan jhar gya.ae
Te meri suujh di kaal kothri wich
Dar diyan chaam chithian ghar banayi bethiyan hen
Menoon jag te wisah koi nayeen reheya
Dinh de chanan saddaya.n khwaban te
Sadiyan kamaiyan te daka marya.ae
Te raat de haneryan sadiyan kurmaniyan hoyan
Roohan nu dabkai rakhya.ae
Es paaron
Mout menoon apni maan nalo dher sujakhi lagdi ae
Mout sanu sadiyan maanwan nalo dher pyar karendi ae
Te asi kamlay mout to.n paran paran bhajde haen
Mout hiko hik waseela te peeran da daru maloom hondi ae
Par hayati de lahu wich jehrri mout wagdi payi ae
Eh jeewan de bele noon kadi chetar dehar na wekhan desi
Sunj nu khandi hoyi es mout da munh wekh wekh ke
Main bahla dar gyan
Yaar main thak gyan
Es hayati de anhe padh to.n
Es be tukke mulakh di bhukhi chirr chirr to.n
Es waseb di shap gharap to.n
Es lotti de maal naal wasaye hoye luttay hoye des to.n
Es kho taror te loot khasoot de
Zulmi nizam to.n
Main thak gyan
Yaar main thak gyan
Apne aap to.n
Apni chup to.n
Te apne lohle lavza.n to.n
Apne kane haseyan to.n
Te hik te tange hoye waina.n to.n
Main dukh gyan
Main thak gyan
Te padh aje shuru hoya.ae
