Naween rowan wali kandh

Masjid Aqsa de ahate vich aik kandh jithe sari dunya de yahoodi aake ik mazhabi fareezze wangon ronde ne:

Israel vich ghaza te dujeyan hisseyan vich shaheed hoye baalan lai

Jo kujh tuhadde mann vich aave ke lawo
Film theater ya kujh hor
Rovan wali kandh de agge laggiyan hoiyan
Bandeyan diyan be-ant qitaran
Rang barang naslan
Wakho wakh rehtal te reetan
Poore jag chon tur ke aye
Ik haj ziyarat farz fareeze paron
Oh fareeza jis ton larrh churra nahi sakde
Eh os tareekh di dain ae
Jis de naal eh saare badhe
Ais kandh agge itne hanju wage hun
Ke je kar sare akathe kariye
Bandi jheel baikaal
Ya fer koi laal samundar jitna sagar

Te je kar eh sabh athru
Budharre ambar ton barish ban ke wassan te
Jag sare vich harr aa jasi
Eh rovan ik farz fareeza
Dasdi buharri reet tareekh
Ke ik wari ik banda misri takht te beh ke kehnda si

Ke jo bacha ohnu rab aakhan ton nabar hossi
Ohnu jag vich saah sat rakhan di manaai
Par assin vekheya
Neel nadi ne kucharr cha ke
Paar langhaye
Ais tareekh de pahiye ne
Kuch phere laye hor
Te eh lagdi pai kal di gal ae
Tarbelanka os vich

(Tareblanka te os vich hitlar di nazi sarkar de ogar camp jithe yahoodiyan communistan pakhi wasan te hor duje jamhooriyat pasandan nu zehri gas de chambaran vich pa ke maareya geya)


Lohe diyan kandeyariyan warran
Zehri gas diyan bhattiyan
Cheekan harre hanju te pukaran
Gidarr kora
Maut di factory
Ik pak vich ik jinda jinda banda
Duje pal vich ik dhukda hoya pinjar
Te tareekh ne phere laye kujh hor

Te fer hun sade samne
Aj khalona
Firauni camp te treblanka camp
Per ehnan diyan takhtiyan badal gaiyan ne
Te hun rovan wali kandh na baraye
Ik vi hanju apn samne
Digawan de
Ate hath chuk ke ungali naal ishara kardi ae
Ghaze vich

(Israil de najaiz qabze vich ghaza te hor ilaaqe jithe Palestine azadi pasand roz goliyan khande hen)

Te sheher muqadas de lehnde wal
Te kehndi ae
Othe rovan waliyan kandhan hen
Aj de din diyan hanjuwan waliyan kandhan