Ilmon bas karin o yaar
Iko alaf tere darkar
Ilm na aave vich shumar
Iko alaf tere darkar
Jandi umar nahi itbaar
Ilmon bas karin o yaar
Parh parh likh likh laven dher
Dher kitaban char chofer
Girde channan wich anher
Pucho raah? te khabar na saar
Ilmon bas karin o yaar
Parh parh sheikh mashaikh hoya
Bhar bhar pett neendar bhar soya
Jandi waar nain bhar roya
Dubba wich, uraar na paar
Ilmon bas karin o yaar
Parrh parrh sheikh mashaikh kahavein
Ulte masle gharon banavein
Be-ilman nu lutt lutt khavein
Jhoothe sache karein iqarar
Ilmon bas karin o yaar
Parh parh nafal namaz guzarein
Uchiyan bangan changhan marein
Minbar te charh wa'az pukarein
Kita tenu ilm khuwar
Ilmon bas karin o yaar
Parh parh mulla hoye qazi
Allah ilmaan bajhon razi
Hove hirs dino din tazi
Tenu kita hirs khuwar
Ilmon bas karin o yaar
Parh parh masle roz sunavein
Khana shak shube da kahvein
Dasein hor te hor kamavein
Andar khot bahir sucheyar
Ilmon bas karin o yaar
Parh parh ilam najoom wichare
Ginda raasa burj sitare
Parhe azeemtan mantar jharre
Abjad gine ta'aweez shumar
Ilmon bas karin o yaar
Ilmon paye qaziye hor
Akheen wale annhe kor
Pharrde sadh te chadde chor
Doheen jahaneen hoya khuwar
Ilmon bas karin o yaar
Ilmon paye hazaran phaseete
Rahi attak rahe wich raste
Marya hijar hoye dill khaste
Peya wichorre da sir bhaar
Ilmon bas karin o yaar
Ilmon mian ji kahavein
Tumba chuk chuk mandi javein
Dhela lai ke churi chalavein
Nal qasayian bohta pyar
Ilmon bas karin o yaar
Bohta ilm izrail ne parheya
Jhuga jaha os da sarya
Gal wich tauq laanat da parrya
Akhar gya oh bazi haar
Ilmon bas karin o yaar
Jad main sabq ishq da parheya
Darya dekh wahdat da warrya
Ghuman gheran de vich arrya
Shah Anayat laya paar
Ilmon bas karin o yaar
Ilmon bas karen o yaar
Reference: Akhiya Bulhe Shah Ne; Muhammad Asif Khan; Pakistan Punjabi Adbi Board Lahore; Page 227 ( view source )