Ilmon bas karen o yaar

Ilmon bas karin o yaar
Iko alaf tere darkar

Ilm na aave vich shumar
Jandi umar nahi itbaar
Iko alaf tere darkar
Ilmon bas karin o yaar

Parh parh likh likh laven dher
Dher kitaban char chofer
Karde channan char chofer
Puchon raah? te khabar na saar
Ilmon bas karin o yaar

Parh parh nafal namaz guzaren
Uchiyan bangan changhan maren
Minbar te charh waaz pukaren
Kita tenu ilm khuwar
Ilmon bas karin o yaar

Ilmon paye qaziye hor
Akhan wale annhe kor
Phirde sadh te chadan chor
Dohen jahanen hon khuwar
Ilmon bas karin o yaar

Parrh parrh sheikh mashaikh kahaven
Ulte masle gharon banaven
Be-ilman nu lutt lutt khaven
Jhoothe sache karen qarar
Ilmon bas karin o yaar

Parh parh mullan hoye qazi
Allah ilman bajhon razi
Hove hirs dino din tazi
Tenu kita hirs khuwar
Ilmon bas karin o yaar

Parh parh masle peya sunaven
Khana shak shube da kahven
Dasin hor te hor kamaven
Andar khot bahir sucheyar
Ilmon bas karin o yaar

Jad main sabq ishq da parheya
Darya dekh wahdat da warrya
Ghuman gheran de vich arrya
Shah anayat laya paar
Ilmon bas karin o yaar

Reference: Akhiya Bulhe Shah Ne; Muhammad Asif Khan; Pakistan Punjabi Adbi Board Lahore; Page 227 ( view source )