اﷲ بیلیا، ساڈڑے کوچ ڈیرے
مل جاونا اہل سہیلیؤ نی
دھروہی ربّ دی جے اک وار میتھے
پھیرا پاونا اہل سہیلیؤ نی
سوہنے یار دے وسّ بے بس ہویا
میرا آونا اہل سہیلیؤ نی
گئی ورت قضاء کہار ولوں
اوہدا دھاونا اہل سہیلیؤ نی
میری ماں نوں وین نہ کرن دینا
جیؤ لاونا اہل سہیلیؤ نی
دینا اج توں چھوپ نکھیڑ میرا
چرکھا ڈاوھنا اہل سہیلیؤ نی
میرا اج تحقیق موقوف ہویا
چھوپ پاونا اہل سہیلیؤ نی
گھرو گھری جا کے اک دوسری نوں
سدّ لیاونا اہل سہیلیؤ نی
اسے طور بھنڈار دے وچ بہہ کے
رل گاونا اہل سہیلیؤ نی
میری چوگ جے اج نکُھٹ گئی
کھادھا کھاونا اہل سہیلیؤ نی
میری جا تے کسے پیارڑی دا
پیڑھا ڈاوھنا اہل سہیلیؤ نی
فضل یار نوں حالَ تباہ میرا
سمجھاونا اہل سہیلیؤ نی
