پنجابی بُجھارتاں

موضوع

ادھا کھوہ پانی دا بھریا
مئیں ہوراں دے اگّے دھریا

جواب

اُچے ٹبے ماما وسے
میں جاواں تلواراں کسّے

جواب

اک نار آپو آپی، بیٹھی سیج کھلار
آیا اُس دا گھر والا تاں گئی اڈاری مار

جواب

اک رُکھ نوں تن پُھل لگے کیریاں کپاہ کھٹا
اپنے آپ اوہ پیدا ہووے نہ کوئی دیوے چھٹا

جواب

اِک بات اجہی پایئے سُن وے بھائی حکیماں
لکڑی چوں پانی نکلے پانی وچوں ڈھیماں

جواب

بار نہ ہووے سبھ دا جو بھوگی ہووے
پتہ نہیں چلدا اوسدا جو جوگی ہووے
پشو اوہدے لئی چنگیرا بھانویں روگی ہووے

جواب

ہسنا نہ سہیلیو، چلنا چِت سنسار
جو ہسیا سو لُٹیا اوسنے گھر بار

جواب

ہری سی من بھری سی
نال موتیاں جڑی سی
لالہ جی دے باغ وچ
دو شالہ اوڑھے کھڑی سی

جواب

وا وگے تے ڈولدا
مونہوں کجھ کجھ بولدا
پُوچھل اوہدی لم سلمی
مالک نوں اوہ رولدا

جواب

ہری ڈنڈی تے سبز دانا
لوڑ پووے تے منگ کھانا

جواب

ہرا گھا
اوہدے وچ راہ

جواب

واہ وا ربا تیرا بھانا
اُپر بو دی تھلے بانا

جواب

دن تڑنگی لکڑی، کالا اوہدا رنگ
دِلیوں چل کے آئی، جا اپڑی جھنگ

جواب

ویکھن نوں اوہ بہت پیاری
دند ہن اوہدے کئی ہزاری
منوں منی اوہ کوئلہ کھاوے
چل پوے تے ٹُر دی جاوے

جواب

واہ وے ربا تیرے کم
باہر ہڈیاں اندر چم

جواب

نِکی جیہی کُڑی
اوہدے ڈِھڈ وچ لکیر

جواب

نہ اوہدے نین نہ پرین
پر اوہ گاوے ساری رین

جواب

نِکی جیہی لوٹکی پانی نال بھری
بھن کے اوس دا پانی پیون
گل کراں کھری

جواب

نِکا جیہا کاکا
بُوہے دا راکھا

جواب

نِکی جیہی کُڑی اوہدے ڈِھڈ وِچ ونڈ
جیہڑا اس نوں نرنے کھاوے رج کے پاوے ڈنڈ

جواب