لے جا سنیہڑا سجناں دا
آکھیں لدّ گئی تیری یار میاں
ہتھ جوڑ سلام دعا کہنی
جانا گلّ نہ منوں وسار میاں
ڈھاہیں مار کے عرض گزار دینی
اگے یار دے بانہہ الار میاں
تیری سوہنی وچ جھناؤں ڈبی
پیا موت دا لکھ اسوار میاں
اسیں اپنی عمر نوں بھوگ چلے
تسیں جیوو جی سال ہزار میاں
کیتا بہت چار یار ملن کارن
تسیں سنی نہ کوک پکار میاں
تیرے عشقَ نوں داغ نہ لگن دتا
کیتی تساں تے جان نثار میاں
فضل شاہ سوہنی سوہنی ہو ڈبی
موئی قول قرار نہ ہار میاں
