مچھّ کچھّ سنسار تے بلھناں دا
اسے وقت ہویا پھیرا پاونا اوئے
اچی بول کے بت پکار کیتی
اساں عاجزاں توں ہٹ جاونا اوئے
مہینوال دی میں امان سوہنی
میرے ماس نوں ہتھ نہ لاونا اوئے
کیتا ربّ حرام تساڈڑے تے
اساں عاشقاں دا ماس کھاونا اوئے
ہتھوں جا پیاریاں سجناں نوں
میرا حالَ احوال سناونا اوئے
قسم ربّ دی پئی اڈیکنی آں
ایہو یار نوں مکھ وکھاونا اوئے
میرے مکھ نوں داغ نہ لاویا جے
تیرا یار ہو گیا پرھاونا اوئے
فضل شاہ فقیر نوں جا کہنا
جھبّ آونا اوئے، جھبّ آونا اوئے
