اک روز تُلا گیا وچ محلیں
رکھ جیو تے شوق کمال میاں
سورج فیض دے آن کے چمک ماری
پتھر وچ پیدا ہویا لال میاں
سپّ عبر نیسان دے کرم کولوں
باردار ہویا موتی نال میاں
کیتے کم خدائے دے راس ہوئے
حمل نال ہوئی اسدی زال میاں
جدوں گزر گئے نوں ماہ پورے
کیتی درد نے بہت بےحال میاں
دائی آن کیتا سبھ کارخانہ
جو کجھ جگ جہان دی چال میاں
پچھلی رات لڑکی پیداوار ہوئی
چہرہ چمکدا چن مثال میاں
فضل شاہ سوہنی اس دا نام رکھن
سوہنا ویکھ کے حسن جمال میاں
