ورھے چھیویں حرف ایسے صاف لکھے
کرن کل استاد قبول میاں
ورھے ستویں نظم توں نثر پڑھیا
کیتا علم سیاق حصول میاں
ورھے اٹھویں صرف تے نحو پڑھیا
ہور پھکا حدیث رسول میاں
ناویں ورھے کمال حکیم ہویا
کیتے قاعدے کل وصول میاں
دسویں ورھے عطا خداء دے تھیں،
پڑھیا کل فروہ اصول میاں
ورھے یارھویں نوں ہویا خاص فضل
پڑھے سمجھ معقول منقول میاں
ورھے بارھویں علم نجوم سندا
لیا سمجھ سارا عرض طول میاں
فضل شاہ چودھیں ورھیں تاک ہویا
کوئی علم نہ چھڈیا مول میاں
