کوئی علم دے باجھ نہ گلّ کردا
دتا عقل شعور خدا سائیں
کئی لکھ دانا شعبان جیہے
اوہدے عقل سندی خاک پا سائیں
گویا فیر ہویا افلاطون پیدا
دتا عالماں ہوش بھلا سائیں
منشی فلک دے نے ہتھوں قلم سٹی
لکھیا ویکھ کے بہت صفا سائیں
جو کچھ کہے زبان تھیں عالماں نوں
کوئی کرے نہ چوں چرا سائیں
فضل سمجھ اس نوں علم عقل والا
ہتھوں لیاوندے ادب بجا سائیں
سبھے درسیاں دے کیتے حلّ اس نے
دتا گلّ دے نال اڈا سائیں
جہڑا علم تھیں پچھے سوال کوئی
دیوے ترنت جواب سنا سائیں
کئی بحث کرن آئے مصر وچوں
اوڑک گئے استاد بنا سائیں
فضل شاہ تے نہیں اعتبار جس نوں
پچھے بلخ بخاریوں جا سائیں
