مائی چڑھ چوبارے تے کوکدی سی
میرا ویکھ اکھیں سندا نیر بچہ
بے ترسیا ترس نہ مول تینوں
مینوں گئیوں بنائی فقیر بچہ
لائی سانگ فراقَ دی کار مینوں
گئی ہاں کلیجڑا چیر بچہ
ایس درد اندر مر جاوساں گی
تینوں بخشیا اپنا شیر بچہ
کھان پین آرام حرام ہویا
کیہا لا گئیوں مینوں تیر بچہ
جو کچھ لوح محفوظ تھیں لکھیا سی
سوئی وہِ ملی تقدیر بچہ
آکھے لگّ لوکاں ہینسیاریاں دے
تریوں شونق دی توڑ زنجیر بچہ
نبی پاک رسول دی رکھ ہووی
نگہبان تیرے پنج پیر بچہ
جتھوں تیک نگاہ دراز آہی
رہی ویکھدی لا نظیر بچہ
وے میں ربّ رحیم نوں سونپیوں توں
جس نے ماری آں بےتقصیر بچہ
جدوں دسنوں رہا فرزند اس نوں
ڈگی آکھ کے، "میں دلگیر بچہ"
نال فضل دے پھیر ملاپ ساڈا
جدوں ہووسی روز اخیر بچہ
