Ik khas sahelrri sohni di
Mehram raz si naal wafa yaari
Sun ke gal kiton aai dorr aiven
Lai sohni paas bula waari
Aakhe gal teri zahir hogai
Kehrri gal da karen luka waari
Sohni aakheya das ilaaj koi
Tu hain aqal de vich dana waari
Jikar maan te baap nu khabar hossi
Desan mujh nu maar muka waari
Maheenval nu cha jawab dessan
Taan bhi mar wessaan zeher kha waari
Aakh sohniye! ishq misaal aatish
Kakhin bhah na kare chupa waari
Duji gal mashoor hogai teri
Ethe aqal sundi nahi jaa waari
Jikar rabb sajan doti jag sara
Kujh khof na jeev te leya waari
Jinhaan dukh ditthe tinhaan sukh paye
Dukhon sukh denda rabb cha waari
Tangi baad farhat, farhat baad tangi
Ditta aap khuda farma waari
Sabit rakh yaqeen mateen karke
Mukh yaar ton na bhuwa waari
Dilon dol na mool main ghol ghatti
Naal sabar de kam rawa waari
Jis da naam ghafoor raheem saain
Lessi fazal ton aas puga waari
