مہینوال نوں جدوں جواب ملیا
مہیں چھڈّ کے ترنت رواں ہویا
آکھے رہن کیہا بہن بہت مشکل
میرا بھیت تمام عیاں ہویا
باجھ یار اجاڑ چوکوٹ دسے
پریشان ہویا، پریشان ہویا
اوکھا سجناں دے گھریں جان میرا
دوتی آن خونی اسمان ہویا
جنگل جا راتیں کتے بیٹھ رُنا
ایپر روندیاں زور طوفان ہویا
کہڑی ولّ جاواں کوئی جا ناہیں
تیرے نام اُتوں قربان ہویا
جدھر جاونا ہاں ادھر ملن دھکّے
ویری مجھ دا کل جہان ہویا
منگی موت نہ آوندی ہتھ میرے
تیرا ملن اوکھا مینوں آن ہویا
تدھ باجھ آرام حرام مینوں
بھلا بیلیا اوئے پین کھان ہویا
کیکر ملاں گے دسّ علاج کوئی
اوکھا اج میرا آن جان ہویا
مسجد دائریاں وچ بازار پھردا
فضل شاہ دے وانگ حیران ہویا
(اس بند وچ ایہہ تکاں وی ملدیاں ہن:
رو رو آکھدا پیاریا کویں ملسیں،
میتھوں اج سائیں قہروان ہویا ۔
تدھ کارنے مہیں چرائیاں میں،
ہن پیاریا آن بے جان ہویا)
