اودھر سوہنی روندڑی بیٹھ گوشے
دسّ جا مینوں بھلا بیلیا اوئے
آکھے دوتیاں دے، یار چھڈّ ناہیں
گل لا مینوں بھلا بیلیا اوئے
تجھ باجھ آرام حرام ہویا
تیرا چا مینوں بھلا بیلیا اوئے
سننجے درد بے درد نے کرد لا کے
کٹھا چا مینوں بھلا بیلیا اوئے
جچر ملیں نہ صبر قرار آوے
کسے داء مینوں بھلا بیلیا اوئے
منہ دے بھار پئیاں کٹھی درد غم دی
آ چا مینوں بھلا بیلیا اوئے
چوری ماؤں تے باپ توں آ ملنا
کسے داء مینوں بھلا بیلیا اوئے
نام ربّ دے کریں خیال سائیاں
مکھ وکھا مینوں بھلا بیلیا اوئے
سینے سانگ مارے وچھڑ جان تیرا
گھیرا پا مینوں بھلا بیلیا اوئے
تجھ باجھ جہان دے دکھ سارے
پئے دھا مینوں بھلا بیلیا اوئے
فضل کجھ نہ سجھدا مجھ تائیں
تیرا چا مینوں بھلا بیلیا اوئے
