آئی قہر کلور دی رات یارو
دوویں پلنگھ تے چا سوان میاں
لگا دست دراز رقیب کرنے
دتی سوہنی پیش نہ جان میاں
ہتھوں مار کیتا خوب سوہنی نے
دتی ہوش بھلا جہان میاں
دوویں ہتھ اٹھاء دعا منگی
مہینوال دی رکھ امان میاں
حکم نال نامرد ہو گیا اوویں
اس دیاں قدرتاں توں قربان میاں
مہینوال دی ربّ امان رکھی
دوتی لا رہا لکھ تان میاں
یوسف وانگ ایمان رحمٰن رکھے
اوویں مہر نشان نہان میاں
مہینوال دے نال سی جوڑ اس دا
لکھیا لوح محفوظ بیان میاں
کہڑا عاشقاں دے سنگ بھنگ پاوے
جوڑے جوڑ جو ربّ رحمٰن میاں
فضل شاہ مجال کی غیر سندی
لیاوے کجھ خیال گمان میاں
