مہینوال نوں زمیں نہ ویہل دیوے
سوہنی ویاہ لے گئے جاں ہور بیلی
جہڑے مال پچھے مہینوال بنیا
سوئی گھنّ گئے سننجے چور بیلی
اگے دکھ آہا وچھڑ جان والا
پایا آن دکھاں ہور زور بیلی
سننجے کاگ نے آن مکان کیتا
جہڑے باغ سن ہنس تے مور بیلی
میری آس مراد نہ مول پنی
رہا پیر فقیر نوں شور بیلی
پھل لا محبتاں بیجیا سی
نہ سی خبر جو ہوسیا شور بیلی
نکل جان ویسی کسے روز میری
کردی آہ فغان تے شور بیلی
فضل بھٹھّ پیا میرا جیونا اوئے
تدھ باجھ مینوں چنگی گور بیلی
