کس نوں آن کے ڈھونڈسیں وچ نینں دے
ونجھیں ہاتھ پانی جل تھلّ ہوسی
کیہڑا دے دلاسڑا تدھ تائیں
کس نال سائیاں تیری گلّ ہوسی
جدوں سوہنی دا کوئی نام لیسی
تیرے کالجے دے وچ سلّ ہوسی
مولٰی جاندا ہے سُنجی جان میری
تیرا نام لیندی کیہڑے ولّ ہوسی
جیہڑا بوٹڑا آس امید والا
سوئی پیاریا اوئی باجھ پھلّ ہوسی
تیرے گئے نی پان کملا سارے
کل ویکھ لئیں سُکی ولّ ہوسی
جدوں سنیں گا حال اساڈڑے نوں
کوئلہ جیو تیرا جل بلّ ہوسی
فضل شاہ جے آہ فغان کرسیں
تدوں عرش عظیم نوں حل ہوسی
